Mir sueche Di für üses motivierte Team per sofort oder nach Veribarig. Mir si e Sanitärbetrieb im Ruum Burgdorf. Mir bediene üsi Kundinnne und Kunde ir Region Burgdorf u Bätterkinde.
Ir Serviceabteilig hei mir es füfer Team. Ds Materiau wird dir gröschte Teils düre Serviceleiter vorbereitet u Termine wärde dür ds Büro koordiniert.
Üse Umgang isch unkomplizert, diräkt u familiär.
Du hesch e Lehrabschluss aus Sanitärmonteur/in EFZ, dänksch mit, bisch säubständig u chunnsch ou bi grössere Herusforderige nid grad is tripple. Kundekontakt ligt Dir u Du bisch e Teamplayer.
Du wirsch Service-, Ungerhauts- und Reparaturarbeite erledige. Ab und zue chas o mau si, dass Du Ufnahme machsch, so dass ds Büro när cha d'Offerte ersteue.
Mir übernäh für di Parkplatzgebühr u ds Kafi u dr Tee göh ou uf üs. Mir düe öpe mau übere Mittag zämä es Fondu ässe oder im Summer dr Grill afüüre.
Ds Arbeitspensum wird zwüsche 60 - 100 % si. Üsi Arbeitswuche het 40 Stung, mir hei kei Pikettdienst u öpe a de haube Fritinamitäg im Jahr hesch du frei.
Füeusch Du Di agsproche u ds wär öpis für Di, de mäud Di gärn bi üs. Schick üs Dini Bewärbig uf
[email protected] oder lüt ganz eifach ah uf 034 420 21 50.
